|
Laburpena :
|
Gerrako lubakitik futbol-zelaira eraman zituzten hainbat gazte 1937ko udaberrian. Futbolariak ziren denak ere, Espainiako ligan hainbat ekipotan jokatu ohi zutenak, baina baloiaren ordez fusila hartu zutenak, Euskadi eta Errepublika defendatzeko. Agintariek, ordea, galtza motxetan jarri zituzten berriz, Euskadiko selekzioa osatuz eta Europan barrena zenbait partida jokatuz mesede handiagoa egingo zutelakoan. Propa-gandaren partida inportantea baitzen gerra irabaztekotan, lubakiak bezainbat.
Gertaera horietan oinarrituz eta Kepa Areso futbolari ordiziarra protagonista bihurtuz, nobela bat idatzi dute Xabier eta Martin Etxeberriak. Historiaren gainetik gailentzen den istorioa, hari poliziala eta maitasunaren korapiloak ere falta ez dituena, irakurleari jakin-mina pizteko eta zer pentsatua emateko asmoz.
|
Orri nagusia
