Hipo eta Tomax abentura berri bat ikusteko aukera ezin hobea daukazue "Beldurraren etxean" ikuskizun honekin. Hipotolomeo eta Tomax-i "Beldurraren etxea" zaintzeko enkargua eman diete baina lan hori burutzeko arazo larri bat sortu zaie : Hipotolomeori beldur izugarria ematen diote etxe horren barruan dauden pertsonaiek. Tomax-ek, Drakulari, sorginari, Frankenstein-i eta abarri nola aurre egin erakutsi nahi dio abesti, magia eta sorpresen bidez. Lortuko al du bere zeregina ? Ezustekoz, magiaz eta umorez jositako ikuskizun paregabea.