Mendiaren eta naturaren magalera jo du Koldo Zubeldiak bere azken olerki liburuan. Zaldibia jaioterriaren izatea zizelkatu duen Aralar hartu du inspirazio eta gai iturri, “Aralar, gogoko iturri” liburuan, bere bosgarrenean. Naturari kantatzeko, eta mendikateak irudika litzakeen beste hainbat alderdi barruan biltzeko ere bai, bide batez. 45 olerki biltzen ditu, eta liburuaren haria naturak darama, baina tematikan ertz gehiago badituzte azken urte eta erdian sortutako olerki berriek.