Afrika erdian, bada Zookala izeneko herri eder bat. Mapan begiratzen baduzu, ordea, ez duzu aurkituko, izpiritu ahaltsuek babesten baitute Zookala, eta izpirituek ez baitute nahi nornahik jakin dezan non dagoen. Izan ere, behin gizaki maltzur batzuek indarrez bereganatu nahi izan zuten herri hura, eta izpirituek asko haserretu ziren orduan: elefanteak bidali zituzten kainoei kontra borrokatzera, eta Zookalako ibaia zabaldu zuten, itsaso bihurtzeraino. Harrezkero, inor asmo gaiztoz joaten bada Zookalara, ibai zabal bat besterik ez du ikusiko, soilik bihotz oneko jendeari egiten baitiote zookalatarrek ongietorria.