Doministripu jaunak doministiku egiten zuen bakoitzean, istripu bat gertatzen zen. Herriko kale estuetatik zebilela usin egiten bazuen, balkoietatik eskegita zeuden arropak lekuz aldatzen ziren. Hirugarren pisukoaren galtzontziloak, bigarren pisura. Laugarrengoaren praka bakeroak bosgarrenera . Bularretako gorri parea auzoko gizon zaharraren leihora. Eta galtzetinak! Galtzetik festa izugarria izaten zen, bakoitzak bere laguna aurkitu arte.