Euskal literatur sistemako zenbait eragile feminista –editoreak, idazleak, irakasleak, irakurleak, kultur-kritikariak, eta abar– bi urtez aritu dira elkarrizketan, eta prozesuak eraman ditu Literaturzale Feministen Topaketak deitzera. Sareinak taldea arduratu da horien antolaketaz, eta Gasteizko Emakumeen Etxean egingo dira uztailaren 1ean eta 2an. Topaketei buruz gehiago jakin asmoz, Amaia Alvarez Uria Sareinakeko kidearekin hitz egin dugu.