Egoera ekonomiko hobeagoa lortzeko esperantzan bizitokia atzean utzi eta Gipuzkoako herri industrial batean finkatu berri diren familietako seme-alabak dira Rakel, Ana eta Miguel. Baserriko bizitza tabernakoarengatik ordezkatu du Rakel eta Anaren familiak, eta beren negozioan laguntzeko hartu dute Miguel, diru-sarrera beharrean den Soriatik etorritako familiako semea. Denboraren gehiengoa barra atzean eta sukaldean ematen duten hiru gazteen begietatik kontakizuna ehundu du Nerea Ibarzabalek bere lehen eleberrian: Bar Gloria (Susa, 2022). Bertsolaritzan bakarrik ez, literaturan ere maisuki aritzeko gai dela erakutsi du markina-xemeindarrak. Urtarrileko arrats goibel batean bildu bagara ere, hotzak eta euriak ez dizkigute uxatu liburuaz hitz egiteko gogoak.