Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da Kabanaren predikua “hain” talde lanean prestatzen dutela.Baina badira hain agerikoak ez diren gertakariak: maskaradaz kanpokoak ez baitaki zinez zer den jokoan, ez baitaki zer engaiamendua den arizale eta ingurukoendako, eta ez daki ere, herrien arteko eta herrikideen arteko loturak tinkatzen diren, askatzen edo hausten. Komunitate afera baita oroz gainetik maskarada-fenomenoa.