Abenduaren 11n izanen da Euskararen Erakunde Publikoaren biltzar nagusia eta orduan bozkatu beharko dituzte aurrekontua eta hitzarmen berria. Euskalgintza zein EEP bera, guztiak ados dira errateko gaur egungo hizkuntza politika ez dela nahikoa euskararen galera behar bezainbeste frenatzeko eta euskal hiztun berriak sortzeko. Guztiak ados dira errateko bultzada berri bat eman behar zaiola hizkuntza politikari. Hor arte guztiak ados dira, baina bideratu beharreko sosaz hitz egiterakoan, uzkurtasunak eta desadostasunak nagusi dira. Egoera blokeatuta izanda, urte bateko negoziazio fasea abiatu zuten iazko abenduan. Bururatu zaie elkarrizketarako tartea eta biltzar nagusian jakinen da emaitza.