|
Laburpena :
|
Literatura katalanari mundu osoko ateak ireki zizkion Diamantearen plaza eleberri zoragarri eta hunkigarri honek. 1962an lehenengoz argitara eman zutenetik hogei hizkuntza baino gehiagotara itzuli dute eta bere herrian dozenaka edizio izan ditu, katalanez inoiz gehien irakurri den liburua bihurtuz. Irakurleen estimazio osoarekin batera, kritikak ere goraipamenik handienak eskaini dizkio. Zer du bada, liburu honek, horren miresgarri eta aparteko egiten duena? Itxuraz oso xinplea da: emakume gazte bat dugu protagonista, Colometa: neska apala, ahula eta gertakariek zigortua; berak kontatzen dizkigu bere bizitzako pasadizoak, bere ahotsez, ahozkotasunaren etorri gozoaz, bera bihurtzen da aldi berean historiaren lekuko. Bakardadea, maitasuna, heriotza, bizi-beharra eta gizaki guztiok hunkitzen gaituzten gaiak aurki ditzakegu munduaren erdian galdutako emakume xume honen eguneroko xehetasunen artean. Mercè Rodoredak, bere obserbazio-ahalmenaz, psikologiaren sakontasunaz eta –abardurez, pertsonaia ahaztezina biribildu du eta, naturaltasun ia magikoz, literaturaren, bizitzaren emozioa transmititu digu.
|
Orri nagusia
