|
Laburpena :
|
Kritiko batek esan omen zuen behin, Patricia Highsmithen nobela bat irakurtzea sorgin arriskutsu batekin tea hartzea bezalakoxea zela, eta egile berberaz beste batek "gizakiez armiarma batek euliez bezala" idazten duela. Bi esaldi famatu horiek aski ongi adierazten dute Patriciaren lanek irakurlearengan sortzen duten inpresio berezia. Tentsio hori, pertsonaiak errukirik gabe deskribatzeak eragindako giro hertsi hori nobeletan bezain ongi, edo agian areagoturik, agertzen da honako ipuin antologia honetan. Bost ipuin hautatu ditugu, bostak ere esandako guztiaren adierazgarri. Halaz guztiz, badago crescendo bat: ipuinez ipuin bortitzago bultzatzen dute giza instintuek hilketara, eta handiagoa da "kriminaltasuna" nolabait esanda. Ez baita alferrik Patricia Highsmith ezagutzen dugun idazle kezkagarriena.
|
Orri nagusia
